მილოცვა ქალბატონ მადონა ალანიას

 

„ჩვენ ასეთი სიყვარული ვიცით... ქალბატონი მადონა ალანია 80 წლის იუბილეს აღნიშნავს!

მან პროფესიული საქმიანობა ჯერ კიდევ ახალგაზრდობაში დაიწყო. ამ ხანგრძლივ გზაზე გაცემულმა სითბომ მას საყოველთაო ნდობა და უსაზღვრო სიყვარული მოუტანა. სწორედ ამ პატივისცემის დასტურია ის ლამაზი კონცერტიც, რომელიც მას მიეძღვნა.

მიუხედავად იმისა, რომ სულ რამდენიმე წელია, რაც ჩვენს გუნდს შემოუერთდა, მან უკვე მოასწრო გამხდარიყო ჩვენი დიდი ოჯახის განუყოფელი ნაწილი. ნებისმიერ გამოწვევას იგი მისთვის დამახასიათებელი სიმშვიდითა და საოცარი სიმტკიცით ხვდება.

ქალბატონო მადონა, კიდევ ერთხელ გილოცავთ ამ დიდებულ თარიღს! გისურვებთ ჯანმრთელობას, მხნეობასა და კიდევ მრავალ წელს ბედნიერების გარემოცვაში. თქვენი ენერგია ჩვენთვის სამაგალითოა!“

ისტორიის გააზრება, როგორც თავისუფლების საძირკველი – დისკუსია მოსწავლე-ახალგაზრდობის სახლში

 

მოსწავლე-ახალგაზრდობის სახლში გაიმართა სიმბოლური და შინაარსიანი დისკუსია თემაზე – „ენით მოპოვებული თავისუფლება“. შეხვედრა გახსნა ისტორია-მხარეთმცოდნეობის ჯგუფის ხელმძღვანელმა, ნინო გერგაიამ, მოკლე პრეზენტაციით — „სამი ნაბიჯი თავისუფლებისაკენ“.

​დისკუსიაზე ერთიან ჭრილში განიხილეს საქართველოს უახლესი ისტორიის სამი გადამწყვეტი თარიღი:

​1978 წელი — ბრძოლა მშობლიური ენის სახელმწიფო სტატუსის შესანარჩუნებლად;

​1989 წელი — 9 აპრილის ტრაგედია და ეროვნული თვითგამორკვევის გზა;

​1990 წელი — პირველი მრავალპარტიული, დემოკრატიული არჩევნები და დამოუკიდებლობის აღდგენის დასაწყისი.

​ღონისძიებაში ისტორია-მხარეთმცოდნეობის ჯგუფის წევრები და მოწვეული ახალგაზრდები მონაწილეობდნენ. განსაკუთრებული ინტერესი გამოიწვია კითხვამ: „ამ სამი ისტორიული მოვლენიდან, რომლის ეპიცენტრში ისურვებდით ყოფნას?“ აუდიტორიის აზრი გაიყო, რაც იმის დასტურია, რომ თითოეულ თარიღს ახალგაზრდებისთვის განსხვავებული, თუმცა თანაბრად მნიშვნელოვანი დატვირთვა აქვს.

​ემოციური იყო მე-8 კლასის მოსწავლის, ირინა ბერაიას ჩართულობა, მან თავისი სათქმელი და ხედვა ჩანახატის სახით წარმოადგინა. 

შეხვედრა დასრულდა შემეცნებითი ბლიც-შეკითხვებით, რამაც მონაწილეებს ცოდნის შეჯამების შესაძლებლობა მისცა.

​მადლობას ვუხდით თითოეულ მონაწილეს ასეთი ჩართულობისთვის. მიუხედავად დისკუსიის მაღალი ხარისხისა, გულსატკენია აუდიტორიის სიმცირე — მსგავსი თემები მეტ დაინტერესებას იმსახურებს, რადგან სწორედ ისტორიის გააზრებაა ჩვენი თავისუფლების საძირკველი.

14 აპრილი — დედაენის დღე!

დღეს ჩვენს უდიდეს საუნჯეს — ქართულ ენას ვზეიმობთ! 1978 წლის 14 აპრილის ისტორიული მოვლენების შემდეგ, ეს დღე ჩვენი იდენტობისა და თავისუფლების სიმბოლოდ იქცა.

„მამული, ენა, სარწმუნოება“ — ეს ის მემკვიდრეობაა, რომელსაც გაფრთხილება და მომავალი თაობებისთვის ღირსეულად გადაცემა სჭირდება.

მოსწავლე-ახალგაზრდობის სახლი, ტრადიციისამებრ, ყოველწლიურად აწყობს ღონისძიებებს, რათა მომავალ თაობებში პატრიოტული სულისკვეთება ჩამოაყალიბოს და გააღვივოს მშობლიური ენის სიყვარული. ამ მნიშვნელოვან დღესთან დაკავშირებით, წელსაც რამდენიმე აქტივობა გაიმართა:

• მხატვრულ კალიგრაფიაში— რომელშიც მონაწილეობდნენ ხობის, ახალსოფლის, ბიის,ქარიატის, თორსის საჯარო სკოლების და ხატვის წრის მოსწავლეები.

• პოეზიის საათი — რომელიც ჩვენი ენის სილამაზესა და პოეტურ სიმდიდრეს მიეძღვნა.

ღონისძიების დასასრულს, მონაწილე მოსწავლეებს გადაეცათ სიგელები და სიმბოლური საჩუქრები.

ერთად ვცეთ პატივი ჩვენს მშობლიურ ენას — ჩვენს ბურჯსა და სიამაყეს!

გაზაფხულის ზეიმი მოსწავლე-ახალგაზრდობის სახლში

 

მოსწავლე-ახალგაზრდობის სახლში გაზაფხულის შემოსვლა განსაკუთრებული სითბოთი და ფერადოვნებით აღინიშნა. პედაგოგებისა და მოსწავლეების ერთობლივი ძალისხმევით მოწყობილმა „გაზაფხულის დღესასწაულმა“ სტუმრებს ნამდვილი საზეიმო განწყობა შეუქმნა.

როცა მათემატიკა სახალისოა: პის დღის აღნიშვნა

მოსწავლე-ახალგაზრდობის სახლში საზეიმოდ აღინიშნა მათემატიკის ერთ-ერთი ყველაზე მნიშვნელოვანი და მისტიკური რიცხვის, პის ($\pi \approx 3.14$) საერთაშორისო დღე. ღონისძიებას ხელმძღვანელობდა პედაგოგი ლელა ნანეიშვილი, რომლის ინიციატივითაც მოსწავლეებმა პრაქტიკული და შემოქმედებითი აქტივობებით გაიღრმავეს ცოდნა ამ უნიკალური მათემატიკური კონსტანტის შესახებ.

საახალწლო კონცერტი მოსწავლე ახალგაზრდობის სახლში

 

30 დეკემბერს გამართულ საახალწლო კონცერტს განსაკუთრებული ხიბლი ქართულმა ხალხურმა ხელოვნებამ შესძინა. ღონისძიების პროგრამა სრულად დაეთმო ქართული კულტურის პოპულარიზაციას, სადაც მოსწავლეებმა წარმოადგინეს როგორც ტრადიციული, ისე თანამედროვე არანჟირებით შესრულებული ნომრები.

13 დეკემბერს , მოსწავლე ახალგაზრდობის სახლში გაიმართა მოსწავლეთა თვითმართველობის წევრთა სხდომა

 სხდომაზე ისაუბრეს თვითმართველობის მიზანზე , თავისუფალი პიროვნების ჩამოყალიბებაზე ,საჭირო პირობების შექმნაზე ,მოზარდის გონებრივ და ფიზიკურ უნარ-ჩვევების განვითარებაზე ,აუცილებელი ცოდნით უზრუნველყოფა ,ცხოვრების ჯანსაღი წესის დამკვიდრება ,მოსწავლეთა ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბება ,კულტურულ ფასეულობათა პატივისცემა ,მოსწავლის მიერ ოჯახის ,საზოგადოების ,სახელმწიფოსა და გარემოს წინაშე საკუთარი უფლება-მოვალეობების გაცნობიერებაში ხელშეწყობა.

სხდომის მეორე ნაწილი დაეთმო არჩევნებს.

მოსწავლეთა თვითმართველობის წევრებმა აირჩიეს თვითმართველობის

პრეზიდენტი ლუკა ქარცხია,

ვიცე პრეზიდენტები მელანო კონჯარია

და ნეკა გელენიძე.

სხდომას ესწრებოდნენ : თვითმართველობის კურატორი ნინო გერგაია.

მოსწავლე ახალგაზრდობის სახლის მენეჯერი ა.თათარიშვილი.

განათლების დარგში სპეციალისტი ნანა ქანდარია.

დისკუსია ხელოვნურ ინტელექტზე ხობის მოსწავლე ახალგაზრდობის სახლში

 

 

დღეს, 28 ნოემბერს, ხობის მოსწავლე ახალგაზრდობის სახლში გაიმართა საინტერესო და აქტუალური დისკუსია თემაზე: ,,ხელოვნური ინტელექტი და მისი ზემოქმედება მოსწავლეებზე''.

დისკუსიაში აქტიური მონაწილეობა მიიღეს ხეთისა და ნოჯიხევის საჯარო სკოლის მოსწავლეებმა, რომლებმაც მაღალი დონის ცნობიერება და ანალიტიკური აზროვნება გამოავლინეს.

• მთავარი განსახილველი საკითხები: მოსწავლეებმა სწორად შეაფასეს ხელოვნური ინტელექტის (AI) უზარმაზარი შესაძლებლობები და ვრცლად ისაუბრეს მის დადებით და უარყოფით მხარეებზე, რაც ამ ტექნოლოგიის დაბალანსებულ აღქმას უწყობს ხელს.

• დისკუსიის შედეგი: ღონისძიებამ საინტერესოდ და ნაყოფიერად ჩაიარა, ხელი შეუწყო ახალგაზრდებში კრიტიკული აზროვნების განვითარებას AI-ის ეპოქაში.

მსგავსი დისკუსიები მნიშვნელოვანია იმისთვის, რომ მომავალი თაობა მზად შეხვდეს ტექნოლოგიურ გამოწვევებს და ეფექტურად გამოიყენოს ხელოვნური ინტელექტი სასწავლო პროცესსა თუ ყოველდღიურ ცხოვრებაში.

ლიტერატურული კომპოზიცია: ,,დედაო ენავ, დედავ და მამავ!“

  

დღეს, ქართული ენის დღესთან დაკავშირებით მხატვრული კითხვის წრის წევრებმა (ხელმძღვანელი Მ.კუჭავა) წარმოადგინეს ლიტერატურული კომპოზიცია

,,დედაო ენავ, დედავ და მამავ!“

ენათა ენავ,ნანათა ნანავ!"

ქართული ენის დღეს გილოცავთ

 

არსებითი ნიშანი ეროვნებისა მისი სული და გული ენაა.

ქართული ენის დღეს გილოცავთ.

კიდევ ერთი ლამაზი დღე მოსწავლე ახალგაზრდობის სახლში.